بحـث
 
 

نتائج البحث
 

 


Rechercher بحث متقدم

سحابة الكلمات الدلالية

المواضيع الأخيرة
نوفمبر 2017
الإثنينالثلاثاءالأربعاءالخميسالجمعةالسبتالأحد
  12345
6789101112
13141516171819
20212223242526
27282930   

اليومية اليومية

التبادل الاعلاني

انشاء منتدى مجاني



أفضل الكلمات الدليلية الموسومة


يااخوي انا بوصيك للدسم الدوامي

استعرض الموضوع السابق استعرض الموضوع التالي اذهب الى الأسفل

يااخوي انا بوصيك للدسم الدوامي

مُساهمة من طرف حميد الشحاط في 15/10/12, 11:58 pm

هذي شيخة قصيد
لمحمد الدسم السبيعي العنزي وأتمنى انها تنال على اعجابكم ...




يا خوي لك عندي وصـاة مصيبـة = وصاتي اللي تلمس العقل وتصيــب
قضبة وصاة أخوك ما بـه معيبـة = مادام أخوك مكمل العقل ومـنيـب
هذى الليــالي ما تعلـم بغـيبـة = ولا يعلم إلا صاحب العلــم بالغيب
أخاف أمـوت ولا ظـلال تجي بـه = وتوزى لضحكات الدروب الظنابيـب
ودي تحـرص عـن بلا كـل ريبة = ويصير بك عرف وكمـال تـأديـب
ولا الـمقـدر كايـن ماأحكـي به = ما تنمحي هذا من الله مـكـاتيـب
أول وصـاتي بالفـروض الأديبـة= صوم وصـلاة قضـبهن بالمـواجيب
وثاني وصـاتي للأمـور الصـعيبة = أحزب لـها من قبـل هون وتصعيب
جرحٍ أعبـي لـه ما يكـلف طبيبه = ولا شـي إلا مـاض لـه تجـاريب
وثالث وصاتي تلعـةٍ ينعـدي بـه= تلقـى عليـها بينـات المساريــب
ليا لـقاها ذيب مـن بطـن ذيـبه = لا واحدٍ عـدا بهـا غيـر هو ذيـب
ترى هذاك العـرف من غـير ريبة = راعيه مايطلـب ولالـه مطاليـــب
ورابع وصاتي كثر الهـرج خـيبة= ترى كثير الهرج مسموج ويخيبــب
ياصار ما تجيـب العـلوم الغريبة = وعند الرجال ترتب الهـرج ترتيــب
وخامس وصاتـي خفة الرجل عيبه = ومن راكض الفرقان يركض لها العيب
ليا صار مالـك لازم لا تـجيـبـة = وان صـار لـك لازم لزوم له اتجيـب
وسادس وصاتـي بـه معزة وهيبة = علـيك بسـفن الدو حرش العراقيـب
لايعجبك منهـا الزبـد والـرويـبة = وترغـب لحوش الضأن وترك النيب
راع الغنم يشيب مـن قبـل شيبـة = والبل مـعزة تبعد الهم والشـيـب
وليا شلهـب الوقـت لو هو حلـيبه = توصلك لأيـام الفضـى والتـعاجيب
وسابـع وصاتـي كان صابتك سيبة = وتقدر على كـثـر الثمن والمطاليب
بنت الحمـولـة والأصـيل العريبة = دشرايـها بـلـد الليــالي وترغيب
اللي شرى بنت الـردي والـهلـيبـه = صبح بهـم مجنب الـربـح تجنيـب
وبالك تحب العـجـز والـعجـز خيبة = أردى الرجال اللي يذمـونـه الـسيب
عليـك بالـسقمـة ولـو هـي تعيبة= مادام لك حيـل تنـط المـقـاريــب
تـرى كثيـر الـمـال كـل حبـيبـه = يقالـه فـت جاي لو مـافعـل طيب
ولا قلـيل الــمـال شـنٍ أروي بـه = به ينلـقي عند الـرفاقـه شواذيــب
وثامن و صاتي شـرها ينـحري بـه= ترى الـدروب الفاسدة مـا بها طيـب
درب الـزنى والـعايـزة والـقريبـه = هذيل هنـه من كبـار الـعقـاريــب
واثنين من داغى عليهـن حكـي بـه = والحـكي يظهـر من أذان الأعاريـب
مداغي على عرضه مثل شـق جيـبه = ومداغي على جهه تجيـه المعاييــب
وتاسع وصاتي عـن مناقـر شريـبه = ليا صار ماهـو لـك فضي المساريـب
أخـاف لا يـبـلاك أو تـبتـلي بـه = وواحد بكم ينحر ديـار الأجـانـيـب
خلـه بالمـوارد و يـلقـى لعـيبـه = عند الموارد يكثـرون اللـواعـيـب
متعـرض العيـلات غربـل نصيـبه = أحسـب حسابـه من حساب المذاهيب
ومتعود الشيـطان حقـه غـدي بـه = ومن هـاب دشـات الملاعيب ما هيب
وعاشر وصاتـي كـان صابتك مصيبة = وبـلاك ربـك ابتـلوك المـغاضيـب
حـذري تمضـي ما تسمـي غليـبه = امض وتبين عن لحاق الـمشـاعـيب
وازبن على حصن الرجـال الصليبـه = عدك بعيطـه عـن سمـوم اللواهيـب
زبـانهـم يسلـم بـلاوي طلـيبـه = ومافـات حشـوان الزلـق للمصاعيب
ومـن غيـرها عندي وصايا عجيبه = لا فكـر الفـاهـم تنـوش المتاريـب
الكل منهن يـوم تفـطن مـصـيبه = والـكـل منهـن يلحقـنك مشاعيـب
الضيف ضيف الله هلا به حبـيبـه = له عشير بالتـهلي والـتراحيـب
قلط له المـاجود ومـاهـان جيبـه = واحلـف ورى الماجود دين المعازيب
وخويـك اللـي بالـخلا تبـتلي به = خيال ولاّ فـوق عـوج المـصاليـب
أو زودتـه ذلـوفٍ مالـه تجيبـه= أوعورةٍ يبـلا بهـا عالـم الغـيـب
اصبر وراع الصـبر مشـكور طيبه = عند اللي يدور للفـخر و الـتراتيـب

_________________
, ابوراكان

حميد الشحاط

ذكر عدد المساهمات : 55
9946
السٌّمعَة : 5
تاريخ التسجيل : 08/08/2012
العمر : 33
الموقع : المملكة العربية السعودية

معاينة صفحة البيانات الشخصي للعضو http://a-1234-alarab.wwooww.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى